Everyday for the Nepa; one day for the people. Dem go give
us light worth 200naira and go still bring bill 4500naira. We dey pay, we no
dey complain. Na so dem dey cheat us but we no get choice cos one litre of fuel
na 145naira. But all you nepa people, if you wan cut light abeg reason the
timing. Bad timing fit give you story that touch. Ensure say dem no dey house or
light no dey cos you no
know wetin dem dey use am do. Make I nack you one story
wey happen for area in 2008 when Nigeria dey play Belgium for Olympics.
This Belgium strong, dem get plenty stars but Naija don dey
win 1-0.Na so light off. Na so Nepa dey do and Boys don go find 100naira with
the mind say make dem go look the match for viewing centre. But as dem come
outside, na so dem see one idiot on top pole dey cut light anyhow. Guy wey boys
don mean. Em go dey do like God wen time to cut light reach. ‘You don die
today’ boys begin vex. The guy no gree come down after we call am like Jesus
call the twelve disciples. Na so another guy climb ladder go meet am push am
down. The guy leg break and boys ready to kill am. Em come dey beg say na em
oga send am message.
Boys enter nepa office go meet oga. In what was a tragedy,
dem kill oga. Na true story.
Moral lesson: Never push submissive people to the point they
revolt.
Even when exercising your rights;
exhibit wisdom and consideration.
Violence is never an option. Never
take the life of another.
No comments:
Post a Comment